من قلب ملفات الارشيف
امسح كل حروف العطف
ثبت كل حروف الجر
وارفع من كل الدويسهات
اسماء مكتوبة بالهم !
عَنْوَن كل ملف بدم !
اطرد بره معاني الخوف
حاصر كل كلام مهزوز
اضرب فوراً كلمة آه
تحيــــا دوما كلمة لا
راجع كل ملف بجد
اطرد في الأعذار و الندب
احذر كل صديق علي أد
حبك ليه و عمر الود
اوعي تكون جو الارشيف
صفحة في شرق
وصفحة في غرب
فهرس في الارشيف بضمير
علم فين انا خدت الدرس !
رتب قلب في الدواليب
صادر كل معاني القهر
علم علي الانسان وماضيه
حدد كل وشوش الغم
أقفل ع الارشيف بعينيك
اوعاك تنسي طعم الظلم
#محمد_طاهر
ليست هناك تعليقات:
إرسال تعليق