هو رصيدك لما يزيد
جوه البنك ويبقي كتير
أصلك ثابت ولا يعنيه
انك قادر ولا فقير
مهما تغير جلدك بره
يفضّل عضمك بالتفاصيل
مهما تغير لكنة صوتك
يفضّل لونك فاضح روحك
عمر الثروة ما تعمي العين
يمكن يضعف بعض الحمقي
أما سواد الناس فاهمين
يمكن تشعر إنك فلتة
بس الواعي فهمه كبير
حتي اللي منافقك يا أسطي
فاهم بس طناشه دي غير
يمكن ضعف ويمكن غلطة
عمر المال ما يربي أمير
#محمد_طاهر
ليست هناك تعليقات:
إرسال تعليق