الحزن
في عينيك مداري الحزن
وع الرموش سكاكين
قاطعة في قلب القهر
ماشية بقي لها سنين
وضحتك مصنوعة
و وردها دبلان
وجواب بلا عنوان
ولا كلمتك مسموعة
مغموسة بالخذلان
كل الوشوش مغشوشة
وقلوب ناقصها حنان
ازاي مداري الحزن
فدان ورا فدان
والأرض تطرح قهر
والليل طويل سرحان
ونهارنا متغمي
سارح ورا الازمان
والدنيا دلالة
بتبيع في جرحي كمان
والكلمة مزنوقة
وفي حلقي ما بتبان
ماتت بنات العشق
والشعر والالحان
والمغربية تهل
وقمرها ليه هربان
والبحر موج يدف
مع كل موجة هوان
مع كل رجة يشف
من الصخور بركان
لِسَّه العيون اسرار
محفوفة بالأوطان
لِسَّه الشهيد بتزف
وتكفنه الاعلام
والا الزمن بيسف
ويصدر الاوهام
كل السحب بتُصف
وفي لحظة تبقي ركام
فين المطر مبيوع
ابياري ليه بتجف
وفي كل يوم موجوع
والحزن جوه بيوت
ساكن وليه مشروع
والبنت لما تشب
يسرق طريقها الموت
عايشة عشان تتحب
والحب ليها ممنوع
مفروض عليها الحلم
زي السكوت مسموع
#محمد_طاهر
ليست هناك تعليقات:
إرسال تعليق