الحلم متبهدل
انا في الحلم متبهدل
وفي الحقيقة متبرجل
وناس تلمحها تعشقها
وناس تتمني تفارقها
قليل الحيلة مستعجل
اخرج من حيرة لدحديرة
وأبيع الوهم انا لنفسي
وأشوف الكذب في مرايتي
وتمشي الدنيا وتسبقني
وأنا واقف محلك سر
أعيش العمر عشان لحظة
فلا تيجي و لا بتمر
خيال الضل جواي
مسح صورتي وجرني جر
كأني محمد ابو سويلم
في فيلم الارض
في ناس بتعيش علي
الزيطة
وناس ما تعيشي
غير بالهم
شوراعنا بتتحني وتتزوق
وختم الحنة هو الدم
لا طلنا الشهادة ولا فرحنا
نهار وشمسه محبوسة
فقد بصره ويتعكز
علي ضهري وزاد الحمل
يموت إحساسنا ونتحول
تماثيل مرصوصة و مش فاهمة
جسد بالي ولا بيترم
ونصبح فُرجه و أضحوكة
لا صرنا حقيقة و مات الحلم
#محمد_طاهر
٢٠١٣
ليست هناك تعليقات:
إرسال تعليق